2027ஆம் ஆண்டுக்காக சமர்ப்பிக்கப்பட்டுள்ள ஒதுக்கீட்டுச் சட்டமூலம் தொடர்பில் முக்கியமானதொரு கட்டம் இன்று (21) பாராளுமன்றத்தில் இடம்பெற்றது. அதில் குறிப்பிடப்பட்டுள்ள ஜனாதிபதி, பிரதமர் அலுவலகங்கள் உள்ளிட்ட 21 விசேட செலவின அலகுகளுக்கான செலவினத் தலைப்புகள் எவ்வித வாக்கெடுப்போ அல்லது திருத்தங்களோ இன்றி ஏகமனதாக நிறைவேற்றப்பட்டதாக தெரிவிக்கப்படுகிறது.

முக்கிய விடயங்கள்

  • 2027 ஒதுக்கீட்டுச் சட்டமூலத்தின் 21 விசேட செலவின அலகுகளுக்கான செலவினத் தலைப்புகள் இன்று (21) பாராளுமன்றத்தில் நிறைவேற்றப்பட்டன.
  • இந்த செலவினத் தலைப்புகள் அனைத்தும் எவ்வித வாக்கெடுப்போ திருத்தங்களோ இன்றியே நிறைவேற்றப்பட்டன.
  • ஜனாதிபதி, பிரதமர் அலுவலகங்கள் மட்டுமன்றி நீதிமன்றங்கள் மற்றும் பல சுயாதீன ஆணைக்குழுக்களின் செலவினத் தலைப்புகளும் இதில் அடங்குகின்றன.

நிறைவேற்றப்பட்ட நிறுவனங்களின் பட்டியல்

இவ்வாறு அனுமதி வழங்கப்பட்ட நிறுவனங்களில் ஜனாதிபதி, பிரதமர் அலுவலகம், உயர் நீதிமன்றங்களின் நீதிபதிகள், அமைச்சரவை அலுவலகம், அரச சேவை ஆணைக்குழு அலுவலகம், நீதிச் சேவை ஆணைக்குழு, தேசிய பொலிஸ் ஆணைக்குழு மற்றும் நிர்வாக மேன்முறையீட்டு தீர்ப்பாயம் என்பன அடங்குகின்றன.

அத்துடன் இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்வதற்கான ஆணைக்குழு, நிதி ஆணைக்குழு அலுவலகம், இலங்கை மனித உரிமைகள் ஆணைக்குழு, பாராளுமன்றம், பாராளுமன்ற சபை முதல்வர் அலுவலகம், பாராளுமன்ற ஆளும் கட்சி பிரதம கொறடா அலுவலகம், பாராளுமன்ற எதிர்க்கட்சித் தலைவர் அலுவலகம், தேர்தல் ஆணைக்குழு, தேசிய தணிக்கை அலுவலகம், நிர்வாகத்திற்கான பாராளுமன்ற ஆணையாளர் அலுவலகம், தணிக்கை சேவை ஆணைக்குழு, தேசிய பெறுகைகள் ஆணைக்குழு மற்றும் எல்லை நிர்ணய ஆணைக்குழு ஆகிய அலகுகளின் செலவினத் தலைப்புகளும் இவ்வாறு நிறைவேற்றப்பட்டன.

இது பற்றியும் வாசியுங்கள்

  • வரவு செலவுத் திட்ட காலப்பகுதியில் மூன்று முக்கிய சட்டமூலங்களை விவாதத்திற்கு எடுத்துக்கொள்ள பாராளுமன்றம் திகதி நிர்ணயம்
  • தாய்லாந்து பிரதிப் பிரதமர் உத்தியோகபூர்வ விஜயம் மேற்கொண்டு நாட்டிற்கு வருகை
  • பாடசாலை கட்டமைப்பில் பாரிய மாற்றங்கள் கொண்டுவரப்படும் என பிரதமர் தெரிவிப்பு