2027 වසර සඳහා ඉදිරිපත් කර ඇති විසර්ජන පනත් කෙටුම්පතට අදාළව වැදගත් පියවරක් අද (21) පාර්ලිමේන්තුවේදී සිදුවිය. එහි සඳහන් ජනාධිපති, අග්රාමාත්ය කාර්යාලය ඇතුළු විශේෂ වියදම් ඒකක 21ක වැය ශීර්ෂ කිසිදු ඡන්ද විමසීමකින් තොරව සහ කිසිදු සංශෝධනයක් නොමැතිව ඒකමතිකව සම්මත වූ බව වාර්තා වේ.
සම්මත වූ ආයතන ලැයිස්තුව
මෙසේ අනුමැතිය හිමි වූ ආයතන අතර ජනාධිපති, අග්රාමාත්ය කාර්යාලය, උපරිමාධිකරණවල විනිශ්චයකාරවරු, අමාත්ය මණ්ඩල කාර්යාලය, රාජ්ය සේවා කොමිෂන් සභා කාර්යාලය, අධිකරණ සේවා කොමිෂන් සභාව, ජාතික පොලිස් කොමිෂන් සභාව සහ පරිපාලන අභියාචන විනිශ්චය අධිකාරිය ද වේ.
ඊට අමතරව අල්ලස් හෝ දූෂණ චෝදනා විමර්ශන කොමිෂන් සභාව, මුදල් කොමිෂන් සභා කාර්යාලය, ශ්රි ලංකා මානව හිමිකම් කොමිෂන් සභාව, පාර්ලිමේන්තුව, පාර්ලිමේන්තුවේ සභානායක කාර්යාලය, පාර්ලිමේන්තුවේ ආණ්ඩු පක්ෂයේ ප්රධාන සංවිධායකගේ කාර්යාලය, පාර්ලිමේන්තුවේ විපක්ෂ නායකගේ කාර්යාලය, මැතිවරණ කොමිෂන් සභාව, ජාතික විගණන කාර්යාලය, පරිපාලන කටයුතු පිළිබඳ පාර්ලිමේන්තු කොමසාරිස් කාර්යාලය, විගණන සේවා කොමිෂන් සභාව, ජාතික ප්රසම්පාදන කොමිෂන් සභාව සහ සීමා නිර්ණය කොමිෂන් සභාව යන ඒකකවල වැය ශීර්ෂයන්ද මෙලෙස සම්මත විය.






