பாராளுமன்ற உறுப்பினர் நாமல் ராஜபக்ஷவுக்கு எதிராக சட்டமா அதிபரினால் தாக்கல் செய்யப்பட்டுள்ள கிரிஷ் கொடுக்கல் வாங்கல் தொடர்பான வழக்கு இன்று நீதிமன்றத்தில் விசாரணைக்கு எடுத்துக்கொள்ளப்பட்டது. இதன்போது விளக்கமறியலில் வைக்கப்பட்டுள்ள பிரதிவாதியான நாமல் ராஜபக்ஷவும் நீதிமன்றத்தில் முன்னிலைப்படுத்தப்பட்டதாக தெரிவிக்கப்படுகிறது.

நீதிமன்றம் பிறப்பித்த உத்தரவு

வழக்கை விசாரித்த கொழும்பு மேல் நீதிமன்ற நீதிபதி நதீ அபர்ணா சுவாந்துருகொட விசேட உத்தரவொன்றைப் பிறப்பித்தார். அதில் சாட்சிகளாக குறிப்பிடப்பட்டுள்ள இரண்டு இந்திய பிரஜைகளுக்கும் அழைப்பாணை கிடைத்துள்ளதா என்பது குறித்து இந்திய உயர்ஸ்தானிகராலயத்திடம் விசாரிக்குமாறு குற்றப் புலனாய்வுத் திணைக்களத்தின் பணிப்பாளருக்கு உத்தரவிடப்பட்டது.

அடுத்து என்ன?

குறித்த இரு இந்திய பிரஜைகளுக்கும் அழைப்பாணை ஒப்படைக்கப்பட்டுள்ளதா என்பதை இந்திய உயர்ஸ்தானிகராலயத்திடம் கேட்டறிந்து, ஜனவரி 18 ஆம் திகதி குற்றப் புலனாய்வுத் திணைக்களத்தின் பணிப்பாளர் நீதிமன்றத்திற்கு அறிவிக்க வேண்டும்.

குறிச்சொற்கள்newssri lanka newsSrilanka