ராவல்பிண்டியில் நடைபெற்ற முதலாவது டெஸ்ட் கிரிக்கெட் போட்டியில் குறிப்பிட்ட நேரத்திற்குள் பந்துவீசி முடிக்கத் தவறியமைக்காக இலங்கை மற்றும் பாகிஸ்தான் ஆகிய இரு அணிகளுக்கும் கடுமையான தண்டனைகளை விதிக்க சர்வதேச கிரிக்கெட் பேரவை (ICC) நடவடிக்கை எடுத்துள்ளது.
இதன்படி இலங்கை அணிக்கு 15 உலக டெஸ்ட் சம்பியன்ஷிப் புள்ளிகளும் பாகிஸ்தான் அணிக்கு 5 புள்ளிகளும் குறைக்கப்பட்டுள்ளதாக தெரிவிக்கப்படுகிறது.
முக்கிய விடயங்கள்
- குறித்த நேரத்திற்குள் பந்துவீசி முடிக்காத காரணத்தினால் இலங்கைக்கு 15 WTC புள்ளிகளும் பாகிஸ்தானுக்கு 5 புள்ளிகளும் குறைக்கப்பட்டன.
- இலங்கை வீரர்களுக்கு போட்டி கட்டணத்தில் 50 வீதமும் பாகிஸ்தான் வீரர்களுக்கு 25 வீதமும் அபராதம் விதிக்கப்பட்டுள்ளது.
- இலங்கை 15 ஓவர்களும் பாகிஸ்தான் 5 ஓவர்களும் குறைவாக வீசியுள்ளமை உறுதி செய்யப்பட்டது.
- இரு நாட்டுத் தலைவர்களான குசல் மெண்டிஸ் மற்றும் பாபர் அசாம் ஆகியோர் இந்தத் தவற்றை ஏற்றுக்கொண்டுள்ளனர்.
போட்டி கட்டணத்திலும் அபராதம்
புள்ளிகள் குறைக்கப்பட்டதற்கு மேலதிகமாக, இலங்கை வீரர்களின் போட்டி கட்டணத்தில் 50 வீதமும் பாகிஸ்தான் வீரர்களின் போட்டி கட்டணத்தில் 25 வீதமும் அபராதமாக விதிக்க தீர்மானிக்கப்பட்டுள்ளது.
நேரக் கொடுப்பனவுகள் தொடர்பில் ஆராய்ந்த பின்னர் மேற்கொள்ளப்பட்ட மதிப்பீட்டில், இலங்கை அணி நிர்ணயிக்கப்பட்ட அளவை விட 15 ஓவர்களும் பாகிஸ்தான் அணி 5 ஓவர்களும் குறைவாக வீசியுள்ளமை தெரியவந்துள்ளது.
குற்றத்தை ஒப்புக்கொண்ட தலைவர்கள்
இந்தத் தண்டனைகளை எமிரேட்ஸ் ஐசிசி சர்வதேச போட்டி நடுவர் குழுவின் டீன் கோஸ்கர் விதித்துள்ளார்.
குறித்த குற்றச்சாட்டுகளை இலங்கை அணியின் தலைவர் குசல் மெண்டிஸ் மற்றும் பாகிஸ்தான் அணியின் தலைவர் பாபர் அசாம் ஆகியோர் ஏற்றுக்கொண்டுள்ளதாகவும் குறிப்பிடப்பட்டுள்ளது.
இதையும் படியுங்கள்
- மெதுவான பந்துவீச்சு காரணமாக விதிக்கப்பட்ட கடுமையான தண்டனையால் இலங்கை உலக டெஸ்ட் சம்பியன்ஷிப் தரவரிசையில் பின்னடைவு
- ஜே ஷா மீண்டும் ஐசிசி தலைவராக ஏகமனதாக தெரிவு
- ஜே ஷா போட்டியின்றி மீண்டும் ஐசிசி தலைவர் பதவிக்கு தெரிவானார்






