நிதி, திட்டமிடல் மற்றும் பொருளாதார அபிவிருத்தி அமைச்சின் வழிகாட்டலின் கீழ், பாரிய வர்த்தக வசதிப்படுத்தல் திட்டம் ஒன்று இன்று (05) நடைமுறைக்கு வந்தது. புத்தம் புதிய 'வர்த்தகத்திற்கான தேசிய ஒருமுக சாளர' (National Single Window for Trade) முறைமை தற்போது உத்தியோகபூர்வமாக செயற்படத் தொடங்கியுள்ளது.
அமைச்சின் தகவலின்படி, ஆரம்ப கட்ட நடவடிக்கையாக ஏற்றுமதியாளர்கள் துறை ரீதியாக இந்த தளத்திற்குள் உள்வாங்கப்பட்டு வருகின்றனர்.
முக்கிய விடயங்கள்
- இந்த முயற்சி நிதி, திட்டமிடல் மற்றும் பொருளாதார அபிவிருத்தி அமைசினால் வழிநடத்தப்படுகின்றது.
- ஆரம்ப கட்ட செயற்பாட்டிற்காக தேங்காய் மற்றும் தேயிலை ஏற்றுமதி துறைகள் தெரிவு செய்யப்பட்டுள்ளன.
- ஆரம்ப அமர்வின் போது முதலாவது CusDec ஆவணம் வெற்றிகரமாக உருவாக்கப்பட்டது.
தேயிலை மற்றும் தேங்காய் துறைகள் முதலில் உள்வாங்கல்
முதற்கட்டமாக, பரீட்சார்த்த நடவடிக்கைகளுக்காக தேங்காய் மற்றும் தேயிலை துறைகள் விசேடமாக தெரிவு செய்யப்பட்டன. தெரிவு செய்யப்பட்ட தனியார் துறை வர்த்தக நிறுவனங்கள் இந்த அங்குரார்ப்பண அமர்வில் பங்கேற்றதுடன், இந்த முறைமையின் முதலாவது CusDec ஆவணத்தை இன்று வெற்றிகரமாக உருவாக்கின.
தனியார் துறை பங்கேற்பாளர்கள், வர்த்தக சம்மேளனப் பிரதிநிதிகள், அரச நிறுவனங்கள், GovTech மற்றும் லங்கா மென்பொருள் அறக்கட்டளை (Lanka Software Foundation) உட்பட இந்த திட்டத்தை முன்னெடுக்க உதவிய அனைவருக்கும் அமைச்சு தனது நன்றியைத் தெரிவித்துள்ளது.
அடுத்தகட்ட நடவடிக்கை
இந்த ஆரம்ப கட்டத்தில் பெறப்படும் அனுபவங்கள் மற்றும் பின்னூட்டங்களின் அடிப்படையில் முறைமை மேலும் செம்மைப்படுத்தப்பட்டு, மிக விரைவில் ஏனைய துறைகளுக்கும் திறந்துவிடப்படும்.
