இலங்கை மனித உரிமைகள் ஆணைக்குழுவில் (HRCSL) புதிய குழுவொன்று உத்தியோகபூர்வமாகப் பொறுப்பேற்றுள்ளது. ஆணைக்குழுவின் தகவல்படி, ஓய்வுபெற்ற உயர் நீதிமன்ற நீதியரசர் வி. கே. மல்கொட புதிய தவிசாளராக 2026 நவம்பர் 02 அன்று கடமைகளைப் பொறுப்பேற்றுக் கொண்டார்.

புதிய உறுப்பினர்கள் பதவியேற்பு

அரசியலமைப்புப் பேரவையின் பரிந்துரைகளுக்கு அமைய, ஜனாதிபதி அநுர குமார திசாநாயக்க இந்த புதிய தவிசாளரை நியமித்தார்.

தவிசாளருடன் இணைந்து மேலும் நான்கு உறுப்பினர்கள் கடமைகளைப் பொறுப்பேற்றுள்ளனர்: எஸ். வை. எம். கோமஸ், ஏ. எல். ஏ. அஸீஸ், எஸ். எஸ். எஸ். பி. டி. எச். ஜயவர்தன மற்றும் பேராசிரியர் ரி. ஜெயசிங்கம் ஆகியோர் அவர்களாவர். முன்னைய தவிசாளர் மற்றும் உறுப்பினர்களின் பதவிக் காலம் முடிவடைந்ததை அடுத்து இந்த புதிய நியமனங்கள் வழங்கப்பட்டுள்ளதாக இலங்கை மனித உரிமைகள் ஆணைக்குழு தெரிவித்துள்ளது.

குறிச்சொற்கள்HRCSLV. K. Malalgoda