මෙවර අයවැය යෝජනාවලට එරෙහි වෙමින් රජයේ විධායක නිලධාරීන් හෙට (20) දීප ව්යාප්ත මට්ටමින් එක්දින සංකේත වැඩ වර්ජනයක නිරත වන බව දැනුම් දී ඇත.
රජයේ විධායක නිලධාරී ඒකාබද්ධ කමිටුව නියෝජනය කරනු ලබන වෘත්තීය සමිති 20ක් මෙම වර්ජන ක්රියාමාර්ගය සඳහා එක්වීමට නියමිත බව වාර්තා වේ.
වර්ජනයට හේතුව
රජයේ විධායක නිලධාරී ඒකාබද්ධ කමිටුව නියෝජනය කරන විධායක ශ්රේණි 20ක් සම්පූර්ණයෙන්ම නොසලකා හරිමින්, 2027 අයවැය යෝජනා හරහා තෝරාගත් ක්ෂේත්ර කිහිපයක පමණක් දීමනා ඉහළ නැංවීමට රජය පියවර ගැනීම මෙම තීරණයට හේතු වූ බව පැවසේ.
“හෙට දින රජයේ විධායක නිලධාරී ඒකාබද්ධ කමිටුව නියෝජනය කරන වෘත්තීය සමිති 20ක් එක්ක දීප ව්යාප්ත එක්දින වැඩවර්ජනයක් කිරීමට තීරණය කරලා තියෙනවා. ඒකට ඇත්තටම හේතුවුණේ රජයේ විධායක නිලධාරී ඒකාබද්ධ කමිටුව නියෝජනය කරන විධායක ශ්රේණි 20ක් නොසලකා හරිමින් 2027 අයවැය යෝජනා මගින් මේ රටේ විධායක සේවාවන්හි තෝරාගත් ක්ෂේත්ර කිහිපයක් අරගෙන රජය විසින් දීමනා ඉහළ නැංවීමක් සිදුකර තිබෙනවා”රජයේ විධායක නිලධාරීන්
නොවැම්බර් 23 ගුරු විදුහල්පති විරෝධතාවක්
මේ අතර මෙවර අයවැයෙන් රුපියල් 25,000ක අතුරු දීමනාවක් ලබා නොදීමට එරෙහිව ඉදිරි නොවැම්බර් 23 වැනිදා දැවැන්ත විරෝධතාවක් පැවැත්වීමට ගුරු විදුහල්පති සංගම් සූදානම් වන බව විදුහල්පති ශ්රේණිධාරීන්ගේ සංගමයේ ප්රධාන ලේකම් නිමල් මුදුන්කොටුව මහතා ප්රකාශ කළේය.
පෙර පාසලේ සිට විශ්වවිද්යාලය දක්වා වූ අධ්යාපන ක්ෂේත්රයේ සියලුම සේවකයින් වෙනුවෙන් මෙම රුපියල් 25,000ක දීමනාව ඉල්ලා සිටින අතර, ප්රධාන විදුහල්පති සංගම් 7ක් සහ ගුරු සංගම් 20කට ආසන්න සංඛ්යාවක් එකතු වී මෙම විරෝධතාව දියත් කිරීමට පෙළගැසී සිටියි.
ඊළඟට කුමක්ද?
නොවැම්බර් 23 වැනිදා ප්රධාන විදුහල්පති සංගම් 7ක් සහ ගුරු සංගම් 20කට ආසන්න සංඛ්යාවක් එක්ව විරෝධතාවයක නිරත වීමට නියමිතය.






