ලබන වසර (2027) වෙනුවෙන් සකස් කළ රජයේ අයවැය ලේඛනය ජනාධිපති අනුර කුමාර දිසානායක මහතා විසින් ලබන 12 වැනි බ්‍රහස්පතින්දා දින පාර්ලිමේන්තුව හමුවේ තැබීමට නියමිතව තිබේ. මේ සඳහා වන 2027 විසර්ජන පනත් කෙටුම්පත පළමුවර කියවීම වෙනුවෙන් ඉකුත් ඔක්තෝබර් 7 වැනිදා පාර්ලිමේන්තුවට ඉදිරිපත් කර තිබිණි.
විවාදය සහ ඡන්ද විමසීම් කාලසටහන
ජනාධිපතිවරයා අයවැය කතාව සිදු කිරීමෙන් පසු, ලබන 13 වැනිදා සිට 20 වැනිදා දක්වා දින හතක කාලයක් අයවැය දෙවැනිවර කියවීමේ විවාදය පැවැත්වීමට කටයුතු යොදා ඇත. එහි දෙවැනි වර කියවීමේ ඡන්ද විමසීම ලබන 20 වැනිදා සවස පැවැත්වෙනු ඇත.
ඉන් අනතුරුව අයවැය කාරක සභා අවස්ථාවේ විවාදය ලබන 21 වැනිදා ආරම්භ වී දෙසැම්බර් 14 දක්වා දින 19 ක් පුරා පැවැත්වේ. අයවැය අවසන් ඡන්ද විමසීම දෙසැම්බර් 14 පස්වරු 5.00 ට සිදු කිරීමට නියමිත බව සඳහන් වේ.
විශේෂ ආරක්ෂාවක්
අයවැය විවාදය පැවැත්වෙන සමස්ත කාල සීමාව තුළ පාර්ලිමේන්තුවේ ආරක්ෂාව තහවුරු කිරීම වෙනුවෙන් විශේෂ ආරක්ෂක වැඩපිළිවෙළක් ක්‍රියාත්මක කිරීමට පියවර ගෙන ඇති බවද වාර්තා වේ.
