බ්‍රිතාන්‍යයේ විලියම් කුමරු සහ ඔහුගේ බිරිඳ වන කේට් කුමරිය තෙදින නිල සංචාරයක් වෙනුවෙන් ඉන්දියාවේ මුම්බායි නුවරට පැමිණීමට සූදානම් වන බව වාර්තා වේ. ඔවුන් හෙට (16) සිට ලබන 18 වැනිදා දක්වා මෙම නිල සංචාරයේ නිරත වීමට නියමිතය.

සංචාරයේ අරමුණ සහ විශේෂත්වය

පරිසර සංරක්ෂණය වෙනුවෙන් වූ නවෝත්පාදන දිරිගැන්වීමට විලියම් කුමරු ආරම්භ කළ සම්මාන උළෙලකට එක්වීම මෙම ගමනේ ප්‍රධාන බලාපොරොත්තුවක් ලෙස සැලකේ.

2024 වසරේදී පිළිකා රෝගය සඳහා ප්‍රතිකාර ලැබීමෙන් අනතුරුව කේට් කුමරිය, විලියම් කුමරු සමඟ එක්ව සිදුකරන පළමු විදේශ සංචාරය මෙය වීම විශේෂත්වයකි. එමෙන්ම මෙම යුවළ 2016 වසරෙන් පසු එක්ව ඉන්දියාවට යන පළමු අවස්ථාව මෙය බවද විදෙස් මාධ්‍ය සඳහන් කරයි.