දීපවාලි උත්සවය වෙනුවෙන් හෙට (08) දිනයේ ඇතැම් ප්‍රදේශවල මත්පැන් අලෙවිසැල් වසා තැබීමට සුරාබදු දෙපාර්තමේන්තුව විශේෂ පියවරක් ගෙන ඇත. ඒ අනුව උතුරු පළාත මෙන්ම නුවරඑළිය දිස්ත්‍රික්කය තුළ පිහිටි සියලු සුරාසැල් හෙට දිනයේ වසා තැබිය යුතු බව නිවේදනය කර තිබේ.

බදුල්ලේ තත්ත්වය සහ නීතිමය පියවර

බදුල්ල දිස්ත්‍රික්කයේ මහිංයගනය හා රිදීමාලියද්ද ප්‍රාදේශීය ලේකම් කොට්ඨාස හැර සෙසු සියලුම ප්‍රාදේශීය ලේකම් කොට්ඨාසවල මත්පැන් අලෙවිසැල්ද හෙට දිනයේ වසා තැබෙනු ඇත.

මෙම නියෝග නොතකා බලපත්‍ර කොන්දේසි උල්ලංඝනය කරමින් මත්පැන් අලෙවි කරන ස්ථාන වෙතොත් ඒවාට එරෙහිව දැඩිව නීතිය ක්‍රියාත්මක කරන බව සුරාබදු දෙපාර්තමේන්තුව පවසයි. කිසියම් පාර්ශ්වයක් මෙම නීති කඩ කරන්නේ නම් ඒ පිළිබඳව 1913 හදිසි ඇමතුම් අංකය අමතා දැනුම් දෙන ලෙසද මහජනතාවගෙන් ඉල්ලා සිටී.